Autizm üzrə məşhur amerikalı mütəxəssis Bakıya gəlib. Bu haqda 25 fevral tarixində Realtv məlumat verib.
“Child with a Future” adlı fondun təmsilçisi Bill Piters Dövlət Tibbi-Sosial Ekspertiza və Reabilitasiya Agentliyinin 1 saylı Uşaq Reabilitasiya Mərkəzinin qonağı olub. Burada 80 nəfərə qədər autizm diaqnozu olan uşaqlar reabilitasiyadan keçir. Piters Əmək və Əhalinin Sosial Müdafiəsi Nazirliyinin təşəbbüsü ilə mərkəzə dəvət olunub.
Bill Piters reabilitasiya xidmətləri göstərilən autizm sindromlu uşaqlarla görüşüb və onlarla sosial-psixoloji seanslar təşkil edib.
Azərbaycan respublikasında bu gün üçün sağlamlıq imkanları məhdud olan uşaqların sayı 54 minə yaxındır.
