Bakıda “Avropa şəhərciyi 2022” adlı tədbir keçiriləcək. Bu haqda BakuPlus.az bu gün, 10 may tarixində xəbər verir.
Mayın 14-də keçiriləcək tədbirdə Avropa İttifaqı və Ümumdünya Səhiyyə Təşkilatının layihələri haqqında məlumatlanmaq, habelə bir sıra əyləncəli və maraqlı aksiyalarda iştirak etmək şansı əldə edəcəksiniz.
Tədbir şənbə günü Bakı Dənizkənarı Bulvarında, Panorama çarxı ilə üzbəüz saat 11:00-da başlayacaq və iki hissədən ibarət olacaq.
Saat 17:00-a qədər sərgi, 21:00-a qədər isə konsert proqramı təşkil olunacaq.
