“Gənclərin Dostları” Azərbaycan Respublikası Medianın İnkişafı Agentliyinə səfər edəcəklər. Bu haqda 8 mart tarixində Bakuplus.az genclerindostlari səhifəsinə istinadən xəbər verir.
“Tea Talks 2.0” proqramı çərçivəsində martın 11-də saat 11:00-da Azərbaycan Respublikası Medianın İnkişafı Agentliyinə növbəti karyera səfəri olacaq.
Səfər zamanı:
- Tələbələr Agentliyin rəhbərliyi və müvafiq struktur bölmə rəhbərləri ilə tanış olaraq Agentliyin fəaliyyəti və media sahəsində həyata keçirilən islahatlar haqqında məlumat alacaqlar;
- Gənclər Agentliyin layihələri və fəaliyyət istiqamətləri, eyni zamanda media ilə bağlı digər mövzular ilə əlaqədar sualları Agentliyin nümayəndələrinə ünvanlamaq şansı əldə edə biləcəklər;
- Görüşdə iştirak edən aktiv gənclərin Agentliyin müxtəlif layihələrində və təcrübə proqramlarında iştirakı nəzərə alınacaqdır.
İştirakçı qismində qoşula biləcək şəxslər:
- Media sahəsində maraqlı olan, jurnalistika və digər ixtisaslar üzrə təhsil alan tələbələr;
- 3-4-cü kurs bakalavr və ya ali təhsil müəssisəsi məzunu olanlar;
- Məlumatı təhlil etmək və tez öyrənmək bacarığı olanlar;
- Əla şifahi və yazılı ünsiyyət bacarıqları olanlar;
- Ofis proqramlarından istifadə bacarığı (MS Excel, MS Word, MS Power Point, Outlook) olanlar;
- Komanda daxilində işləmək bacarığı olanlar.
İştirak etmək üçün martın 10-a kimi
linkə daxil olub əvvəlcədən qeydiyyatdan keçmək lazımdır.
