Bakının “Memar Əcəmi” metro stansiyasının yaxınlığında yerləşən “Kardeşler” kafesində siçovul lentə alınıb. Bu haqda bu gün, 12 mart tarixində Qafqazinfo məlumat paylaşıb.
Kadrlarda gəmiricinin şirniyyatlarla dolu piştaxtanın üstündəki tavanda hərəkət etdiyi görünür.
“Kardeşler” kafesindən alınan məlumata görə, gəmiricilər onlara yaxınlıqdakı obyektdən gəlir: “Yanımızda köhnə qənnadı evi var. 6 ildir işləmir, indi gəmiricilər orada çoxalıb. Oradan bizim kafeyə gəlirlər. Artıq öz tədbirlərimizi gördük və kafeni dezinfeksiya etdik”.
Azərbaycan Qida Təhlükəsizliyi Agentliyi (AQTA) bu məsələyə münasibət bildirib. AQTA-da bildirilib ki, video ilə bağlı araşdırmalara başlanılıb və qanunvericiliyə uyğun olaraq müvafiq tədbirlər görüləndən sonra nəticələr açıqlanacaq.
