Paytaxtın Sabunçu rayonunda içməli sudan qanunsuz istifadə halları aşkarlanıb. Bu haqda bu gün, 11 noyabr tarixində Azərsu ASC-in mətbuat xidməti məlumat yayıb.
Zabrat qəsəbəsində yerləşən istixana kompleksinin sahibi magistral su kəmərinə 100 mm diametrli xətt vasitəsilə qanunsuz qoşulma edib və uçotsuz istifadə edib.
Kürdəxanı qəsəbəsində isə üzlük daş sexində, eləcə də ət kəsimi və təndir sexində sayğac qoşulmadan içməli sudan istifadə halları, həmçinin qanunsuz su xətləri çəkilməsi halları aşkarlanıb.
Qeyri-qanuni çəkilmiş borular ləğv edilib, dəymiş ziyan hesablanıb. Məsul şəxslər məsuliyyətə cəlb olunub.
Cari il ərzində Sabunçu rayonu üzrə sudan qanunsuz istifadə ilə bağlı 2540 fakt aşkarlanıb, 797 min kubmetr həcmində sərfiyyat bərpa olunub.
[URIS id=14107]
