Azyaşlı övladına və arvadına işgəncə verən şəxs həbs edilib. Bu haqda 22 fevral tarixində APA məlumat verib.
Xəzər rayonunda atanın 5 yaşlı övladını döyməsi və ona əzab verməsi ilə bağlı prokurorluqda araşdırma aparılıb.
Araşdırmalar zamanı müəyyən olunub ki, atası azyaşlı uşağı döyüb və ona qarşı zorakı hərəkətlər edib. Bundan əlavə o, dekabr ayında arvadının üzərinə qaynar su tökərək qəsdən sağlamlığına xəsarət yetirib.
Həmçinin məlum olub ki, onun 15 yaşlı qızı qanunsuz olaraq nikaha daxil olub.
Ata və 15 yaşlı qızının həyat yoldaşı saxlanılaraq istintaqa cəlb olunublar. Xəzər rayon prokurorluğunda Cinayət Məcəlləsinin bir neçə maddəsi ilə cinayət işi başlanılıb.
5 yaşlı uşaq və onun anası Ailə, Qadın və Uşaq Problemləri üzrə Dövlət Komitəsinə edilmiş müraciət əsasında “Təmiz Dünya Qadınlara Yardım” İctimai Birliyinin nəzdində fəaliyyət göstərən sığınacağa yerləşdiriliblər. Psixoloq və sosial işçilər tərəfindən işlər aparılır.
