Bakı məktəbliləri Moskvada keçirilən olimpiada fərqləniblər. Bu haqda bu gün, 14 dekabr tarixində Təhsil Nazirliyinin mətbuat xidməti məlumat yayıb.
“VI Meqapolislər” adlı müsabiqədə Azərbaycan təmsilçiləri gümüş və 4 bürünc medal qazanıblar.
- Kimya fənni üzrə - BDU-nun nəzdində "Gənc İstedadlar" liseyinin XI sinif şagirdi Nəriman Şirinli - gümüş medal;
- Kimya fənni üzrə - Təhsil Nazirliyinin birbaşa tabeliyindəki "Ankara məktəbi" məktəb-liseyin XI sinif şagirdi Əli Bağırov - bürünc medal;
- Riyaziyyat fənni üzrə Bakı şəhəri 2 nömrəli texniki-humanitar liseyin XI sinif şagirdi Elçin Musazadə - bürünc medal;
- Fizika fənni üzrə - nazirliyin birbaşa tabeliyindəki Akademik Zərifə Əliyeva adına liseyin XI sinif şagirdi Eşqin Alıyev - bürünc medal;
- İnformatika fənni üzrə Heydər Əliyev adına Müasir Təhsil Kompleksinin XI sinif şagirdi Səid Nəsibov - bürünc medal.
Həmçinin, Bakı məktəbləri Blits turda komanda formatında 3-cü yerə layiq görülüblər.
6-13 dekabr tarixlərində Moskvada keçirilən olimpiadaya dünyanın ən böyük şəhərlərində yaşayan 14-18 yaşlı şagirdlər qatılıb. Yarışda 32 ölkədən olan 257 iştirakçı bilik və bacarıqlarını sınayıblar.
