Bakı Ali Neft Məktəbinin tələbələri virtual formatda keçirilən “Yer, Enerji və Ətraf Mühit (E3)” tələbə konfransı və “Texniki təqdimatlar” müsabiqəsində II yerə layiq görülüblər. Bu haqda Trend 19 noyabr tarixində xəbər verib.
Kimya mühəndisliyi ixtisasının IV kurs tələbələri Cavid İsayev və Fərid Qəhrəmanov 77 ölkədən 400-ə yaxın universitetdə təhsil alan 2700-dən çox bakalavr və magistr tələbələri arasında fərqləniblər.
Konfrans Hyuston Universiteti (ABŞ, Texas) və Marietta Kollecinin (Ohayo) təşkilatçılığı ilə keçirilib.
Bu yeni təşəbbüs yer elmləri, enerji və ətraf mühit sahəsində təhsil alan tələbələri bir araya gətirib.
