Bakı Beynəlxalq Avtovağzal Kompleksində sərnişin axını xeyli azalıb. Bu haqda bu gün, BakuPlus.az 4 fevral tarixində Trend.az-a istinadən məlumat verir.
COVİD-19 pandemiyasından qabaqkı dövrlə müqayisədə Bakı Beynəlxalq Avtovağzal Kompleksində sərnişin axını xeyli azalıb. "Hazırda yanvar ayının orta statistik göstəricisinə əsasən deyə bilərik ki, gün ərzində 3800 sərnişin şəhər və rayonlarımıza səfər edir", - məlumatda qeyd edilib.
Bir müddət öncə respublika ərazisində fəaliyyət göstərən avtovağzal və avtostansiyaların rəhbərləri ilə görüş keçirilib. Görüş zamanı avtovağzal rəhbərləri tərəfindən sərnişin axınının bərpası üçün təkliflər hazırlayaraq təqdim edəcəkləri bildirilib.
Qısa zamanda bu istiqamətdə planın hazırlanması və onun həyata keçirilməsi nəzərdə tutulub.
