Yaponiya Dövlət Təqaüd Proqramına sənəd qəbuluna start verib. Bu haqda 24 dekabr tarixində genclerindostlari məlumat verib.
Gələcəkdə yapon dili və mədəniyyətinə dair təhsilini davam etdirmək və ya tədqiqat aparmağı arzulayan şəxslər üçün Yaponiyada 1 illik təlim proqramı Bakı Dövlət Universiteti və Azərbaycan Dillər Universiteti tələbələrinə təklif olunur. 2022-ci il üçün Yaponiya "Nikkensei” Dövlət Təqaüd Proqramına sənəd qəbulunu açıq elan edib.
Müraciət edənlər bu əsas şərtlərə cavab verməlidirlər:
- 18-30 yaş arası (1992-ci il 1 aprel tarixindən sonra doğumlu şəxslər) Azərbaycandakı universitetlərdə yapon dili və yapon mədəniyyəti ilə bağlı ixtisas üzrə təhsil almalı (hal-hazırda Azərbaycanda yalnız Bakı Dövlət Universiteti və Azərbaycan Dillər Universitetininin yapon dili ixtisası üzrə təhsil alan tələbələri bu proqrama müraciət edə bilərlər)
- 2022-ci ilin 1 sentyabr tarixinədək universitetdə yapon dili və yapon mədəniyyəti üzrə toplam 1 ildən artıq təhsil müddətinin tamam olması
- Yaponiyada təhsil alacağı 1 il ərzində və geri döndükdən sonra Azərbaycandakı universitetdə bakalavr pilləsi üzrə qeydiyyatda qalmalı, qayıtdıqdan sonra təhsilinə davam etməli və məzun olmamalıdır.
Proqram haqqında ətraflı məlumatı
linkə daxil olaraq almaq mümkündür. Müraciət üçün son tarix 21 yanvar olaraq təyin olunmuşdur. Əlavə məlumat almaq istəyənlər səfirliyin
culture-info@bk.mofa.go.jp imeyl qutusuna yaza bilər.
