27 noyabr tarixindən Bakıda 4 marşrutun hərəkət sxemi dəyişdirilib. Bu haqda Bakı Nəqliyyat Agentliyi məlumat verib.
27 noyabr saat 08:00-dan 28 noyabr saat 18:00-a kimi Heydər Əliyev prospektində aparılacaq təmir işləri ilə əlaqədar nəqliyyat vasitələrinin hərəkəti müvəqqəti məhdudlaşdırılacaq.
Bu səbəbdən 1, 13, 38 və M8 nömrəli avtobusların hərəkət sxemi müvəqqəti olaraq aşağıda göstərilən qaydada dəyişdiriləcək:
- 1 nömrəli marşrut: Heydər Əliyev prospekti əsas yolla – Yusif Səfərov küçəsi, daha sonra öz hərəkət sxemi üzrə;
- 13 nömrəli marşrut: Heydər Əliyev prospekti əsas yolla – Koroğlu Rəhimov küçəsi, daha sonra öz hərəkət sxemi üzrə;
- 38 nömrəli marşrut: Heydər Əliyev prospekti əsas yolla – Koroğlu Rəhimov küçəsi – Təbriz küçəsi (Nəriman Nərimanov m/st), daha sonra öz hərəkət sxemi üzrə;
- M8 nömrəli marşrut: Heydər Əliyev prospekti əsas yolla – Koroğlu Rəhimov küçəsi – Təbriz küçəsi (Nəriman Nərimanov m/st) – Əhməd Rəcəbli küçəsi – F.Xoyski küçəsi – Ağa Nemətulla küçəsi, daha sonra öz hərəkət sxemi üzrə fəaliyyət göstərəcək.
