Bir müddət əvvəl narkotik qəbul edərək küçədə yatan və şəkli sosial şəbəkələrdə yayılan narkoman barədə yeni xəbər var. Bu haqda Baku Tv reportaj hazırlayıb.
2-3 yaşı olarkən Bərdədən paytaxta köçən Ruslan deyir ki, dolanmaq üçün bir müddət anası ilə birlikdə dilənib. O, paytaxtın Neftçilər, Koroğlu metro stansiyaları ətrafında dilənərək günə 20-30 manat qazanıb.
Ruslan iddia edir ki, böyüyəndən sonra dayısı onu narkotikə görə diləndirib və 10 yaşına çatanda artıq özü də narkotik istifadəçisinə çevrilib.
Ruslan polis əməkdaşları tərəfindən tapılaraq Respublika Narkoloji Mərkəzinə yerləşdirilib və hazırda müalicəsi davam edir.
Onun sözlərinə əsasən, anası Ruslanın hazırda harda olduğundan xəbərsizdir.
