Bakı şəhəri və Abşeron yarımadasında içməli su təchizatı və kanalizasiya sistemlərindən istifadənin yaxşılaşdırılması məqsədilə “Azərsu” ASC bir sıra layihələr həyata keçirir.
Bu layihələrə içməli su təchizatının zəif olduğu ərazilərdə yeni su xətlərinin çəkilməsi, İkinci Qarabağ Müharibəsi qazilərin və şəhidlərinin ailələrinin içməli su ilə təminatı, tikinti standartlarına cavab verməyən su kəmərlərinin yenidən qurulması daxildir. Bu haqda məlumat qurumun rəsmi saytında bu gün, 24 noyabr paylaşılıb.
Bakıda və Abşeron yarımadasında içməli su təchizatının zəif olduğu və ya su təchizatı sistemi olmayan rayonlar müəyyən edilib. Hımin əraziləri nəzərə alaraq Bakının Abşeron, Binəqədi, Sabunçu, Xəzər, Suraxanı, Nəsimi, Səbail, Yasamal və Xətai rayonlarının 16 kəndində layihələr həyata keçirilib və sakinlərin problemi həll olunub.
Ümumilikdə 10 ay ərzində Azərsu ASC-nın daxili imkanlar hesabına 74 kilometrdən artıq içməli su təchizatı, 10 kilometr kanalizasiya şəbəkəsi tikilib istifadəyə verilmiş, 21 mindən çox sayğac quraşdırılmışdır.
