Gələn il Bakıda növbəti Beynəlxalq müdafiə, silah və hərbi texnika “ADEX-2022” sərgisi keçiriləcək. Bu haqda bu gün, 17 dekabr tarixində məlum olub.
İlkin məlumata görə, “ADEX-2022”-in keçirilməsi 6-8 sentyabr tarixlərində nəzərdə tutulub. Sərgidə “Aselsan”, “CETC”, “Damen”, “MBDA”, “Norinco”, IAI, “Roketsan”, “Rosoboronexport”, “Thales” və digər şirkətlər öz texnikalarını nümayiş etdirəcəkləri gözlənilir.
Tədbir “Baku Expo Mərkəzi”ndə təşkil ediləcək.
Bundan əvvəl Müdafiə Sənayesi Nazirliyinin təşkilatçılığı ilə 2014, 2016 və 2018-ci illərdə Bakıda ADEX beynəlxalq müdafiə sərgiləri keçirilmişdir.
