8 Noyabr prospektində qazılan yollarda təmi işləri ilə bağlı Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli açıqlama verib. Bu haqda Qafqazinfo.az bu gün, 21 fevral tarixində xəbər verib.
Onun sözlərinə görə, bu istiqamətdə müraciətlər, şikayətlər daxil olub. Məsələ agentliyin rəhbərliyinin nəzarəti altındadır. Rəhbərlik tərəfindən tapşırıq verilib ki, həm yol nişanlarının quraşdırılması, həm də təmir işləri ən qısa zamanda öz həllini tapsın”, - deyə Anar Nəcəfli qeyd edib.
Mətbuat katibi əlavə edib ki, prospektdə qazılan, yarımçıq saxlanılan hissələrdə təmir işləri sabah və ya birisi gün yekunlaşacaq.
