Mərdəkanda şagirdlərin əl işlərindən ibarət sərgi keçirilib. Bu haqda Xəzər rayon İcra Hakimiyyətinin mətbuat xidməti 30 dekabr tarixində xəbər verib.
Sərgidə rayon icra hakimiyyəti başçısının müavini Lalə Əhmədova, Bakı Şəhəri üzrə Təhsil İdarəsinin (BŞTİ) müdir müavini, İdarənin müvafiq struktur bölmə rəhbərləri, "Peşə təmayüllü siniflərin təşkili" layihəsinin əməkdaşları, məktəb direktorları, müəllimlər və şagirdlər iştirak edib.
Xəzər rayonunun 234, 120 və 117 nömrəli tam orta məktəblərinin təşəbbüsü ilə təşkil olunmuş sərginin əsas məqsədi şagirdlərin peşə bacarıqlarını nümayiş etdirmələrinə şərait yaratmaq, onlar arasında sağlam rəqabət hissi formalaşdırmaq, ətraf mühitə fəal inteqrasiyasını təmin etməkdən ibarətdir.
Sərgi şagirdlərin ifasında ədəbi-bədii kompozisiyalarla davam edib. Daha sonra sərgiyə baxış keçirilib. Sərgidə 3 məktəb üzrə 100-dən çox əl işi nümayiş olunub.
Yarmarkadan əldə olunan vəsait "YAŞAT" fonduna köçürüləcək.
[URIS id=22730]
