12 fevral tarixində Bakıda Battal-Ebru sənəti üzrə master-klas keçiriləcək. Bu haqda BakuPlus.az xəbər verir. AzEcotour-un təşkil etdiyi təlim İçərişəhərdə baş tutacaq.
Ustad dərsi zamanı müxtəlif rənglərin köməyi ilə su üzərində orijinal və gözəl naxışlar əldə edəcəksiniz.
Rəsmdə olduğu kimi burada da kist və rənglərdən istifadə olunur. Sadəcə olaraq rənglərin kimyəvi tərkibi fərqlidir.
Master-klasda böyüklər kimi 4 yaşından böyük uşaqlar da iştirak edə bilər.
İştirakçıların qeydiyyatı yaş qruplarına görə həyata keçiriləcək. Hər qrupda 3-4 iştirakçı 1 saat yarım, 2 saat ərzində vaxtını birlikdə səmərəli keçirəcəklər.
Hər bir iştirakçı 20 manat ödəməklə Battal-Ebru sənəti ilə yaxından tanış olacaq və hər kəsin yaratdığı əsər sərgidə nümayiş olunduqdan sonra özünə təqdim olunacaq.
Ətraflı məlumat üçün əlaqə nömrəsi: +994 55 742 08 20
