“Bir millət, iki dövlət” beynəlxalq rəsm müsabiqəsi davam edir. Bu haqda 2 nömrəli Uşaq-Gənclər İnkişaf Mərkəzi xəbər verib.
Azərbaycan və Türkiyənin təhsil müəssisələri arasında qurulan əməkdaşlığı daha da möhkəmləndirmək, iki ölkənin uşaqları arasında dostluq və qardaşlıq əlaqələrini gücləndirmək, istedadlı məktəbliləri aşkar etmək məqsədi ilə “Bir millət, iki dövlət” adlı beynəlxalq rəsm müsabiqəsi keçirilir. Müsabiqə 3 yaş qrupunda (6-9, 10-13, 14-18) regionlarda və Bakı şəhərində fəaliyyət göstərən uşaq-gənclər inkişaf mərkəzlərinin dərnək üzvləri arasında keçirilir.
Müsabiqənin şərtləri:
- Rəsmlər A3 formatda işlənməlidir
- Rəsmlərin işlənmə texnikası sərbəstdir (rəngkarlıq, qrafika , kollaj və s.)
- Hər bir iştirakçı müsabiqəyə bir rəsm işi təqdim edə bilər
- Müsabiqəyə təhsil müəssisəsindən hər yaş kateqoriyası üzrə 1 rəsm işi qəbul ediləcək
- Müəllif haqqında məlumatlar etiket nümunəsinə uyğun çap olunub rəsmin arxa tərəfində yuxarı sol küncünə yapışdırılmalıdır
- Müsabiqədə iştirak edən rəsmlər geri qaytarılmır
Müsabiqənin qaliblərinə və fəal iştirakçılarına diplom və sertifikatlar veriləcək. Iştirak etmək istəyənlər +994123727263 və +994559945786 telefon nömrələri ilə əlaqə saxlaya bilərlər.
