Bakının Pullman hotelində 18 sentyabr tarixində Cosplay Fest Baku 2022 keçiriləcək. Bu haqda bu gün, 24 avqust tarixində Bakuplus.az məlumat verir.
Tədbir saat 13:00-dan 17:00-a qədər davam edəcək.
Ziyərətçiləri sevimli “kospleyer”lərin çıxışları, stendlər, müsabiqələr və ustad dərsləri gözləyir.
Festival bu il ilk dəfə olaraq anime, Koreya mədəniyyəti və “geek” mədəniyyətini sevənləri bir araya gətirəcək.
Solo nominasiyasının qalibləri 300, 200, 100 manat məbləğində pul mükafatları, qrup defile qalibləri bütün komanda üçün xüsusi hədiyyə, eləcə də mahnı və rəqs müsabiqəsinin qalibi hədiyyə alacaq. Bütün qalibləri sponsordan hədiyyələr gözləyir.
18 yaşdan aşağı şəxslər üçün tədbirdə iştirak 10 manat, 18 yaşdan yuxarı - 15 manat təşkil edir. Həm nağd, həm də onlayn ödəniş mümkündür.
Əlavə məlumat üçün əlaqə nömrələri: 070 364 32 04, 050 329 48 18.
18 yaşdan yuxarı şəxslər Covid pasportu təqdim etməlidirlər.
