22 dekabrda Bakıda daha bir şəhid bulağının açılış mərasimi baş tutub. Bu haqda Suraxanı Rayon İcra Hakimiyyətinin mətbuat xidməti məlumat yayıb.
Paytaxtın Yeni Günəşli "V" yaşayış sahəsində Vətən müharibəsinin şəhidi, kapitan Elçin İsmayılovun xatirəsini əbədiləşdirmək məqsədi ilə inşa edilmiş abidə-bulaq kompleksinin açılış mərasimi keçirilib.
Mərasimdə rayon İcra Hakimiyyətinin başçısı Əziz Əzizov, Milli Məclisin deputatı Etibar Əliyev, Rayon Prokuroru Rəşid Mahmudov, DTX-nın Suraxanı rayon İdarəsinin rəisi Rauf Məmmədov, YAP Suraxanı rayon təşkilatının sədri Vüqar Seyidov, bələdiyyə sədri, şəhid ailələri, qazilər, şəhidin doğmaları və yaxınları iştirak ediblər.
Anım tədbirində 278 saylı tam orta məktəbin müəllim və şagird kollektivi iştirak etmiş, həmçinin şagirdlərin ifasında şeirlər səsləndirilmişdir.
Elçin İsmayılov ölümündən sonra “Vətən uğrunda”, "Füzulinin azad olunmasına görə", "Cəbrayılın azad olunmasına görə" və“Kəlbəcərin azad olunmasına görə” medalları ilə təltif edilmişdir.
[URIS id=21404]
