20 noyabr tarixində Bakıda Vətən Müharibəsi şəhidinin xatirəsinə inşa olunmuş abidənin açılışı baş tutub.
Paytaxtın Xəzər rayonu Qala qəsəbəsində Vətən Müharibəsi Qəhramanı, XTQ-nin baş leytenantı Adil İbrahimlinin xatirə abidəsinin və onun şərəfinə tikilmiş bulağın açılış mərasimi olub.
Tədbir açıq elan edildikdən sonra şəhidlərimizin ruhu bir dəqiqəlik sükutla yad edilib, Azərbacan Dövlər himni səsləndirilib.
Mərasimdə Xəzər RİH başçısı və aparatın əmakdaşları, Millət Vəkili, Qala qəsəbə və bələdiyyə nümayəndələri, Hüquq Mühafizə orqanlarının rəhbərləri, Rayon ictimai təşkilatların sədrləri, hərbiçilər, şəhidin ailə üzvləri iştirak edib.
Tədbirin sonunda Vətən Müharibəsi Qəhrəmanı İbrahimli Adilin xatirə abidəsinin və bulağın açılış mərasimi olmuş və hərbi orkestr tərəfindən Zəfər marşı ifa olunub.
Şəhid Vətən Müharibəsi Qəhrəmanı İbrahimli Adilin adının əbədiləşdirilməsi məqsədilə Xəzər RİH-nin vəsatəti əsasında Bakı Şəhər İcra Hakimiyyəti tərəfindən onun ailəsinin Qala qəsəbəsindəki yaşadığı küçəyə onun adı verilib, göstərici lövhələr vurulub.
Nazirlər Kabinetinin qərarı ilə onun oxuduğu Sumqayıt şəhərindəki 14 saylı tam orta məktəbə onun adı verilmişdir.
