Bakıdakı təhsil müəssisələrində yeni koronavirusa yoluxma halları qeydə alınıb. Bu haqda bu gün,12 noyabr tarixində məlum olub.
Belə ki, Bakı Avropa Liseyi bu gündən 14 gün müddətinə distant təhsilə keçib. Müəssisədə 5 müəllim və 16 şagird COVID-19 virusuna yoluxub.
67 saylı tam orta məktəbdə də direktor və 10-dan çox müəllim koronavirusa yoluxması səbəbindən 14 gün müddətinə distant təhsilə keçib.
Paytaxtdakı 5 saylı tam orta məktəbin bir neçə sinifdə koronavirusa yoluxmalar baş verib. Bu səbəbdən həmin siniflərində tədris prosesinin əyani formada təşkili 14 gün müddətinə dayandırılıb. Buna baxmayaraq, qalan siniflərdə ənənəvi tədris prosesi davam edir.
Daha öncə məlum olub ki, Bakıda məktəb-lisey kompleksi fəaliyyətini distant təhsil formasında davam etdirəcək.
