Bakıda yol polisi qayda pozmayan sürücünü cərimələyib. Bu haqda 11 mart tarixində Avtosfer.az məlumat verib.
Nəsimi rayonunda martın 9-da 99-SE-477 qeydiyyat nişanlı “Mercedes” markalı avtomobilin sürücüsü Ceyhun Səlimov küçəsində park edərkən, yol polisi əməkdaşı onu 20 manat məbləğində cərimə edib.
Sürücü bildirir ki, həmin küçənin əvvəlində 3.27 nişanı (həm dayanmanı, həm də durmanı qadağan edir) quraşdırılıb. Lakin nişan 7.4.1 (nəqliyyat vasitəsinin növü - 3,5 t-dan artıq olan yük avtomobillərinə aid) lövhəciyi ilə tətbiq edildiyi üçün, dayanma-durma qadağası minik avtomobillərinə şamil edilmir. Protokola əlavə edilmiş fotolarda da dayanma-durmanın yük avtomobillərinə aid olması öz əksini tapıb.
Sürücü xahiş edir ki, Dövlət Yol Polisi İdarəsi onun barəsində tərtib edilmiş protokolu ləğv etsin.
