Artıq bir müddətdir ki, paytaxt ərazisində smart tipli qaz və su sayğacları mexaniki sayğaclarla əvəz edilir. Bəzi sakinlər iddia edir ki, yeni mexaniki sayğaclar smart tipli sayğaclardan daha çox pul yazır. Bu haqda Baku TV reportaj hazırlayıb.
Bəzi yaşayış binalarında bir pilləkən qəfəsində həm smart, həm də mexaniki sayğaca rast gəlmək mümkündür. Sakinlərin sözlərinə görə, yeni sayğacların quraşdırılmasından sonra onların xərci artıb.
Azəriqaz ASC-dan bildirilib ki, istismar müddəti bitən sayğaclar yenisi ilə əvəz edilir. Azəriqaz-ın rəsmisinin sözlərinə görə, mexaniki sayğacların smart tipli sayğaclardan heç bir texniki fərqisi yoxdur. Yeganə fərq ondan ibarətdir ki, birinin ödənişi öncədən həyata keçirilir, digəri üçün isə ayın sonunda istifadəçiyə qaz xərci barədə qəbz şəklində məlumat verilir.
Kommunal məsələlər üzrə ekspert Nüsrət Qasımov isə sayğacların heç bir fərqinin olmadığını deyir. Ekspert sayğacların icazəsiz dəyişdirilmədiyini və prosesin istəyə uyğun həyata keçiriləcəyini bildirib.
Sayğaclar ən çox Xəzər, Binəqədi və Sabunçu rayonlarında seçmə üsulu ilə dəyişdirilb.
