Bu gün, 16 dekabr tarixində Fövqəladə Hallar Nazirliyinin (FHN) işçilərinin peşə bayramı ilə əlaqədar tədbirlər keçirilib. Bu haqda Bakuplus.az məlumat verir.
Səhər saatlarında nazirin rəhbərlik etdiyi Fövqəladə Hallar Nazirliyinin əməkdaşları Fəxri xiyabana gələrək Azərbaycan xalqının ümummilli lideri Heydər Əliyev və akademik Zərifə xanım Əliyevanın məzarlarını ziyarət ediblər. Xatirələri ehtiramla yad edilərək məzarları önünə əklil və gül dəstələri qoyulub.
Daha sonra izdiham Şəhidlər Xiyabanına gedərək qəhrəmanların xatirəsini yad edib, məzarları üzərinə gül dəstələri qoyublar.
Tədbirdə nazir Kəmaləddin Heydərovla yanaşı Tikintidə Təhlükəsizliyə Nəzarət Dövlət Agentliyi, Dövlət Material Ehtiyatları Agentliyi və digər FHN-nə aid olan mülki qurumlarının rəhbərliyi iştirak edib.
Bu il nazirliyin 16 yaşı tamam olur. 2005-ci il dekabrın 16-da Azərbaycan Respublikasının Prezidenti İlham Əliyev Fövqəladə Hallar Nazirliyinin yaradılması haqqında sərəncam imzalayıb. Prezidentin 8 dekabr 2006-cı il tarixli Fərmanına uyğun olaraq, dekabrın 16-sı ölkədə Fövqəladə Hallar Nazirliyinin peşə bayramı kimi qeyd olunur.
[caption id="attachment_20518" align="alignnone" width="800"] Foto Bakuplus.az[/caption]
