Bakıda vətəndaşlar üçün ödənişsiz hüquqi yardım aksiyasına başlanılıb. Bu haqda 11 dekabr tarixində Trend xəbər verir.
Nizami rayonu, Q.Qarayev prospekti 2A ünvanında yerləşən ofisdə 20-25 dekabr tarixlərində vətəndaşlar üçün ödənişsiz hüquqi yardım olunacaq. Aksiya Milli Məclisin deputatı Könül Nurullayevanın təşəbbüsü, Azərbaycan Vəkillər Kollegiyasının dəstəyi ilə həyata keçirilir.
Aksiya çərçivəsində bir neçə istiqamətdə yardım göstəriləcək:
- şəhid ailələrinə, qazilərə, xüsusilə qadınlar, yetkinlik yaşına çatmayan şəxslər, aztəminatlı ailələr üçün ödənişsiz hüquqi yardım
- əhaliyə şifahi məsləhətlərlər veriləcək
- müxtəlif orqanlara yazılı müraciətlərin, iddia ərizələrinin hazırlanması
- ailə, inzibati, əmək, əmlak, borc, miras, təqaüd, sosial yardım, istehlakçı hüquqları, cinayət və s. sahələrdə yaranan problemlərə dair məsləhətlərin verilməsi
Aksiyada iştirak etmək üçün əvvəlcədən 0124222241, 0552762375 nömrələri ilə əlaqə saxlayıb qeydiyyatdan keçmək lazımdır.
