Bakının iki rayonunda içməli sudan qanunsuz istifadə halları aşkar edilib. Bu haqda 15 fevral tarixində “Azərsu” ASC məlumat verib.
“Azərsu” ASC tərəfindən yaradılmış xüsusi qrupların araşdırmaları nəticəsində Binəqədi və Nizami rayonlarında içməli sudan uçotsuz və sayğacdankənar xətlərlə istifadə halları aşkarlanıb.
Binəqədi rayonu, Sulutəpə qəsəbəsi Ruslan Allahverdiyev küçəsində fəaliyyət göstərən bir iaşə obyektində, bir qarajda və yeni tikilmiş fərdi yaşayış evlərində içməli suyun talanmasının qarşısı alınıb.
Nizami rayonu, Nəsimi küçəsi ev 32 ünvanındakı binanın birinci mərtəbəsində yerləşən obyektdə qeyri-qanuni birləşmə ilə şəbəkə suyu “Mono su” adı ilə qablaşdırılaraq satışa çıxarılır.
Aşkarlanmış hər bir fakt üzrə zəruri tədbirlər görülüb, özbaşına çəkilmiş xətlər və qoşulmalar ləğv edilib, sudan istifadə qaydalarının tələblərinə uyğun olaraq qanunsuz istifadəyə görə dəymiş ziyan hesablanıb.
[caption id="attachment_33644" align="alignnone" width="800"]
Foto Azərsu ASC rəsmi saytı[/caption]
