22-23 yanvar tarixlərində Bakı şəhəri, “Passage 1901” restoranında uşaqlar üçün nəzərdə tutulmuş “Kids Festival” baş tutacaq. Tədbir NİSA Group-un təşkilatçılığı ilə keçirilir. Bu haqda məlumatı qrupun mətbuat xidməti öz İnstagaram səhifəsində paylaşıb.
Uşaqları maraqlı malların yarmarkası (bəzək əşyaları, oyuncaqlar, kosmetika, kitablar), qənnadı məmulatları guşəsi, maarifləndirici seminarlar, animatorlarla əyləncəli proqram gözləyir.
Həmçinin robototexnika, dulusçuluq, polimer gildən modelləşdirmə, gips fiqurların rənglənməsi, tikiş oyuncaqları, ebru rəssamlığı, sabun istehsalı, yemək bişirmə, şam dekorasiyası üzrə müxtəlif maarifləndirici və əyləncəli ustad dərsləri keçiriləcək.
Festival saat 10:00-dan 20:00-a kimi fəaliyyət göstərəcək. Giriş pulsuzdur. 18 yaşdan yuxarı şəxslər sərgiyə yalnız COVİD-19 pasportu ilə daxil ola bilərlər.
