Bakıda məktəblilərə lotereya satışı həyata keçirilir. Bu haqda sosial şəbəkələrdə görüntülər yayılıb.
Son günlər Azərbaycanda insanlar arasında populyarlaşan lotereyaların 18 yaşına çatmamış şəxslərə satışı qadağandır.
Lakin, bəzi işbazlar qanunları heçə sayaraq məktəblilərə lotereyaların satışını həyata keçirirlər.
“Azərlotereya” ASC məsələ ilə bağlı bildirib ki, 18 (on səkkiz) yaşına çatmamış şəxslərə lotereya satışına görə məsuliyyəti “Azərlotereya” deyil, lotereyanı satan şəxs daşıyır.
DİN-in mətbuat xidmətinin əməkdaşı Nurlan Əliyevin sözlərinə əsasən, lotereyanın satışı təşkil olunan ərazilərdə polis əməkdaşları tərəfindən də bununla bağlı nəzarət-profilaktik tədbirləri həyata keçirilir, aşkarlanan nöqsanlar aradan qaldırılır.
Qurum rəsmisi əlavə edib ki, azyaşlıya lotereya satan şəxs barəsində İnzibati Xətalar Məcəlləsinə uyğun olaraq tədbir görülür.
