Ötən gün Bakıda 10-12 yaşlı uşaqlar arasında Avropa Yol Hərəkəti Təhlükəsizliyi üzrə onlayn maarifləndirmə təlimi keçirilib. Bu haqda Report xəbər verib.
Təlim Azərbaycan Milli Avtomobil Klubu (AMAK) Beynəlxalq Avtomobil Federasiyası (FİA) və 1 nömrəli Uşaq-Gənclər İnkişaf Mərkəzinin birgə təşkilatçılığı ilə baş tutub.
Məktəblilərin yol hərəkəti təhlükəsizliyi məqsədilə keçirilən təlimdə AMAK-un nümayəndəsi, DYP-nin əməkdaşı və 211 nömrəli tam orta məktəbin direktoru Həcər Mahmudova ilə yanaşı müəllimlər, valideynlər və “Yol hərəkəti qaydaları” dərnəyinin 60 üzvü iştirak edib.
Təlimdə oyunlar və viktorinalar keçirildikdən sonra suallar cavablandırılıb, uşaqlara sertifikat veriləcəyi elan edilib.
[caption id="attachment_14850" align="alignnone" width="800"]
Foto 1 nömrəli Uşaq-Gənclər İnkişaf Mərkəzinin Facebook səhifəsi[/caption]
