Bakı Şəhəri üzrə Təhsil İdarəsi məktəblərdə “Kiçik akademiya”ların sayını açıqlayıb. Bu haqda 27 dekabr tarixində AZƏRTAC məlumat verib.
BŞTİ-nin tabeliyindəki 307 ümumi təhsil müəssisəsində “Kiçik akademiya” fəaliyyət göstərir. Hər inzibati rayonun bir məktəbində “Kiçik akademiya” üzrə mərkəz mövcuddur. İdarənin verdiyi məlumata görə, gələcəkdə Bakının bütün məktəblərində “Kiçik akademiya” yaradılacaq.
“Kiçik Akademiya” yaradıcılıq və elmi-tədqiqat işlərinə meyil və maraq göstərən, bu sahədə potensial imkanları ilə fərqlənən istedadlı şagirdlərin üzvlüyü əsasında təhsil müəssisələrində yaradılan ictimai birlikdir.
