Dərsində şagirdlərin tərbiyəsizlik etdiyi müəllim cəzalandırıldı. Bu haqda 26 yanvar tarixində Oxu.az məlumat verib.
Bir-neçə gün əvvəl sosial şəbəkələrdə şagirdlərin sinif otağında tədris prosesinə uyğun olmayan davranışının əks olunduğu videogörüntü yayılmışdır. Məlum olub ki, görüntülər Xətai rayonu, 165 nömrəli tam orta məktəbdə baş verib.
Faktla bağlı məktəb rəhbərliyi tərəfindən araşdırma aparılıb, dərsin təşkilində yol verdiyi nöqsanlara görə fənn müəlliminə töhmət verilib. Hüquq-mühafizə orqanları valideyn və şagirdlərdən izahat alıblar. Məktəblilər elədiyi əməllərə görə üzr istəyiblər və bir daha belə hallara yol verməyəcəklərini deyiblər.
Şagirdlər müvafiq qaydada profilaktik tədbirlərin görülməsi üçün qeydiyyata götürülüb.
