Yeni Suraxanı qəsəbəsində polis peyvənd olunmayan, maskadan istifadə etməyən vətəndaşlara qarşı reyd keçirib. Bu haqda Report bu gün, 14 mart tarixində xəbər verib.
İctimai iaşə obyektləri və nəqliyyat vasitələrində peyvənd olunmayan, maskadan istifadə etməyən vətəndaşlarla profilaktik söhbətlər aparılıb, qaydaları pozan vətəndaşlara qarşı cərimə tətbiq olunub.
Həmin şəxslər barəsində İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən, inzibati tənbeh tədbiri tətbiq olunub.
