2022-ci ildə “İKT LAB” Tətbiq və Tədris Mərkəzi qadınların informasiya texnologiyaları (İT) sahəsində inkişafını dəstəkləmək üçün yeni təşəbbüslərə start verəcək. Layihə Rəqəmsal İnkişaf və Nəqliyyat Nazirliyi və UNESCO təşkilatının dəstəyi ilə keçirilir.
Qadınların İT sahəsi üzrə bilik və bacarıqlarının artırılması üçün “İnformasiya Texnologiyalarının Əsasları” adlı ödənişsiz təlimə qeydiyyat artıq başlayıb və yanvarın 23-dək davam edəcək.
Üç aylıq təlim Bakıda sinif formatında keçiriləcək. Onlayn dərslərə Azərbaycanın müxtəlif bölgələrindən olan qadınlar da qoşula biləcəklər.
Təlimlərə qoşulmaq üçün link vasitəsilə qeydiyyatdan keçmək lazımdır. Təlimlər tamamilə pulsuzdur.
Yaxın zamanda oxşar təlimlər regionlarda da təşkil olunacaq.
