Fevral ayında ”KitabGəzər” komandası Qusara səfər edəcək. Səfərin məqsədi rayonun orta məktəbində “KitabGəzər kitabxanası” yaratmaqdır. Bu haqda bu gün, 26 yanvar tarixində Bakuplus məlumat verir.
Bu səbəbdən Qusar rayonunda yaradılacaq KitabGəzər Kitabxanasının doldurulması üçün kitab qəbulu elan edilir. Hər kəs yeni və ya ikinci əl kitablarını hədiyyə etməklə layihədə iştirak edə bilər. Kitablar BookZone kitab mağazasında (Mirzəağa Əliyev küç, 245 küçəsi) qəbul olunur.
Rayona səfərdə psixoloq, sosial işçi və ixtisas seçimi ilə əlaqəli mütəxəssis iştirak edəcəklər. Mütəxəssislər öz sahələri üzrə məktəblilərə təlim keçəcək.
Layihənin məqsədi yeni və ikinci əl kitabların toplanaraq rayonlarda ehtiyacı olanlara çatdırılmasıdır. Yarandığı gündən kitablar ”KitabGəzər” kollektivinin bilavasitə iştirakı və ya digər layihələrlə birgə 20-dən çox rayona çatdırılıb. Həmin müddət ərzində 2500-dən çox kitab toplanıb.
