Bakının Suraxanı rayonunda genişmiqyaslı təmizlik işləri aparılır. Bu haqda BakuPlus.az bu gün, 23 mart tarixində xəbər verir.
Novruz bayramı günlərində də rayonun bütün qəsəbələrində Rayon Mənzil-Kommunal Təsərrüfatı Birliyi tərəfindən küçələrdə səki kənarları, bordür və işıq dirəkləri, məhəccərlər yuyulur, həmçinin müxtəlif məişət, polietilen və digər tullantılar ərazidən yığışdırılır.
Bundan əlavə, ağacların qurumuş budaqları budanır, dibləri bellənərək ziyanverici həşəratlardan qorunmaq üçün gövdələri əhənglənir, yabanı quru, alaq otlar təmizlənir.
