Bakıda “Take Off Baku” beynəlxalq startap sammiti təşkil olunacaq. Bu haqda Trend bu gün, 1 mart tarixində xəbər verib.
Türkiyə Teknoloji Takımı Vakfı, Azərbaycan Respublikası Rəqəmsal İnkişaf və Nəqliyyat Nazirliyi və Türkiyə Respublikası Sənaye və Texnologiya Nazirliyinin birgə təşkilatçılığı ilə bu ilin may ayının 26-28 tarixlərində Bakıda ‘’TEKNOFEST Azərbaycan’’ keçiriləcək
Yerli və beynəlxalq startapların qatılacağı sammitdə investorlar və Vençur fondların nümayəndələri ən yaxşı innovativ layihələri dəyərləndirəcək.
Onlayn qeydiyyatdan keçən startaplar “5 matrix” prinsipinə əsasən təsnifatlaşdırılaraq tədbirdə iştirak etmək hüququ qazanmış olacaqlar.
Sammitin şərtlərinə əsasən, ümumilikdə iştirak edəcək 50 komandadan 35-i yerli startap olmalıdır.
Mükafat fondu 1-ci yer üçün 15.000 ABŞ dolları, 2-ci yer üçün 10.000 ABŞ dolları, 3-cü yer üçün isə 5000 ABŞ dolları təşkil edir.
Müsabiqədə iştirak etmək üçün son müraciət tarixi 31 mart 2022-ci ildir.
