4 dekabr tarixindən etibarən Bakı Kitab Mərkəzində uşaqlar üçün Yeni il dərnəkləri fəaliyyətə başlayacaq. Dərnəklər Bakı şəhər 2 Nömrəli Uşaq-Gənclər İnkişaf Mərkəzinin tərəfdaşlığı və Bakı Kitab Mərkəzinin təşkilatçılığı ilə baş tutacaq.
Tətbiqi sənət dərnəkləri 5-12 yaşında uşaqlar üçün nəzərdə tutulub.
Bakı Kitab Mərkəzinin Uşaq zonasında keçiriləcək dərslər zamanı uşaqlar müxtəlif əşyalar düzəldəcəklər.
Dərnəklər həftənin hər şənbə günü saat 13.00-dan 14.30-dək ustad müəllimlərinin rəhbərliyi ilə keçiriləcək.
25 dekabra qədər davam edəcək dərslər üçün biletləri Bakı Kitab Mərkəzinin kassasından əldə etmək mümkündür.
