Bakı Kitab Mərkəzində uşaqlar üçün Yeni il şənliyi keçirilib. Bu haqda mərkəzin mətbuat xidməti məlumat yayıb.
Bakı Kitab Mərkəzində təhsil nazirliyinin 2 nömrəli Uşaq Gənclər İnkişaf Mərkəzi tərəfindən uşaqlar üçün hazırlanan “Azərbaycan Vətənimdir” adlı yeni il tamaşası göstərilib.
Mərkəzin "Uşaq xalq rəqsləri" dərnəyinin üzvləri rəngarəng geyimlərdə ölkəmizdə yaşayan müxtəlif xalqların, etnik qrupların və eyni zamanda uşaqların sevimli cizgi film personajlarının rəqslərini nümayiş etdirib, mahnılar ifa ediblər.
Sonda Nizami rayon 1 nömrəli və Xətai rayon 3 nömrəli Uşaq Evlərinin sakinlərinə Bakı Kitab Mərkəzi adından yeni il hədiyyələri bağışlanıb.
[URIS id=22522]
