Bakıda Azərbaycan Dövlət İqtisad Universitetinin tələbə-könüllüləri arasında Novruz bayramına həsr olunmuş “Poliqon” strateji intellekt oyunu keçirilib. Bu haqda BakuPlus.az Azərtac-a istinadən bu gün, 22 mart tarixində xəbər verir.
Nəsimi Rayon Gənclər və İdman İdarəsi, Azərbaycan Dövlət İqtisad Universitetinin (UNEC) Könüllüləri Təşkilatı və UNEC Rəqəmsal Könüllülər Təşkilatının birgə təşkilatçılığı ilə keçirilən tədbirin açılışında torpaqlarımızın azadlığı uğrunda şəhid olmuş igidlərin xatirəsi bir dəqiqəlik sükutla anılıb.
Maraqlı və gərgin keçən turnirin nəticələrinə görə, "Qəzəlxan" komandası birinci yeri tutub. "Fidelio" ikinci, "On üç" komandası isə üçüncü yerə layiq görülüblər.
Qaliblər kubok, diplom və medallarla təltif olunublar.
