1 dekabr tarixində Bakı Gənclər Mərkəzində "Şəxsi təhlükəsizlik və özünümüdafiə" mövzusunda təlim keçiriləcək. Təlim Avrasiya Kombat Ciu-Citsu Federasiyanın prezidenti, DİN-nin İdman Cəmiyyətinin əlbəyaxa döyüş üzrə baş məşqçi-müəllimi, Azərbaycan Respublikasının Əməkdar məşqçisi, Fəxri bədən tərbiyəsi və idman işçisi Rəsul Məmmədov tərəfindən aparılacaq.
Dərs iki hissədən, belə ki nəzəri və praktiki hissəsindən ibarət olacaq.
Nəzəri hissədə əlbəyaxa döyüş növləri, onların xüsusiyyətləri və şəxsi təhlükəsizliyin gündəlik həyatımızda əhəmiyyəti haqqında tarixi məlumat veriləcək.
Praktiki hissədə iştirakçılar küçədə istənilən təcavüz və hücuma qarşı effektiv reaksiya və davranış, fəndlər və əks-hücumlar, Azərbaycan Respublikasının qanunvericiliyinə uyğun olaraq özünümüdafiə üsullarını və hücum edənin bir çimdikdə zərərsizləşdirilməsi üsullarını öyrənəcəklər.
Təlim saat 16:00-da başlayır.
Qeydiyyatdan keçmək üçün linkə daxil olub “+” işarəsi yazmaq lazımdır.
