Bakıda “Zəfərdən qayıdan igidlər” adlı tədbir keçirilib. Tədbir Yasamal Rayon Heydər Əliyev Mərkəzində Vətən müharibəsi qazilərinin iştirakı ilə baş tutub. Bu haqda Azərtac 4 noyabr tarixində xəbər verib.
Əvvəlcə Dövlət Himni səsləndirilib, sonra şəhidlərin əziz xatirəsi bir dəqiqəlik sükutla yad edilib.
Tədbir Bakı Şəhər Mədəniyyət Baş İdarəsi Yasamal Rayon Mərkəzləşdirilmiş Kitabxana Sisteminin M.Ş.Vazeh adına Mərkəzi Kitabxanası və Yasamal Rayon Heydər Əliyev Mərkəzinin birgə təşkilatçılığı ilə keçirilib.
Açılış nitqini Yasamal Rayon MKS-nin direktoru Lətifə Məmmədova edib. Daha sonra Yasamal Rayon Heydər Əliyev Mərkəzinin böyük elmi işçisi Arifə Mustafayeva, kitabxananın Metodika və biblioqrafiya şöbəsinin böyük metodisti İradə Hüseynova, Dünya Azərbaycanlılarının Həmrəyliyinə Dəstək Cəmiyyətinin prezidenti Tofiq Əli-zadə və başqaları çıxış ediblər.
Tədbirin sonunda qazilərə fəxri diplomlar təqdim edilib, Qarabağa aid musiqi nömrələri səsləndirilib və müzəffər Azərbaycan Ordusunun rəşadətini əks etdirən videoçarxlar nümayiş olunub.
[URIS id=12834]
