15-17 dekabr tarixlərində Bakıda “Made in Uzbekistan” sərgisi keçiriləcək. Sərgi “Baku Marriott Boulevard Hotel”də baş tutacaq. Bu haqda 24 noyabr tarixində Report xəbər verib.
Özbəkistanın 80 istehsalçı şirkətinin təmsil olunduğu biznes missiyasında tekstil, dəri, ayaqqabı, ipək, qida, kimya, elektrik və texniki avadanlıq, əczaçılıq, tikinti, mebel və maşınqayırma sənayesi məhsulları təqdim olunacaq.
Keçiriləcək sərgi çərçivəsində Azərbaycan istehsalçıları ilə ikitərəfli danışıqlar aparılacaq.
Sərgi çərçivəsində həmçinin Özbəkistanın qastronomiya mədəniyyəti nümayiş olunacaq.
