Bakıda anası tərəfindən zorakılığa məruz qalan azyaşlı qız sığınacağa təhvil verilib. Bu haqda Baku.WS "Təmiz Dünya" Qadınlara Yardım İctimai Birliyinin sədri Mehriban Zeynalovaya istinadən 13 noyabr tarixində xəbər verib.
"Polis tərəfindən gətirilən 10 yaşlı qızımız sığınacağa yerləşdirildi. Qızımızın atası başqa qadınla evlidir və ayrı yaşayır. Anası isə narkotik istifadəçisi olduğundan, qızı evdən çıxararaq ona hardan olursa olsun pul gətirməsini tələb edib.”
Məlumata əsasən, azyaşlı, dəfələrlə buna qarşı çıxmağa çalışsa da, döyülüb. Balaca qızcığaz hətta anası tərəfindən bıçaq xəsarətləri aldığını da qeyd edib. Sonda bezərək polisə müraciət edib.
Heç bir məktəbdə belə qeydiyyatda olmayan azyaşlının sənədləri də yoxdur.
“İlk növbədə sənədləri hazırlanacaq və təhsilini bərpa etməyə çalışacağıq".- Mehriban Zeynalova bildirib.
