Bakıda “Caspian Event Organisers” şirkətinin təşkilatçılığı ilə keçirilən sərgi və konfrans mövsümü start götürür. Bu haqda BakuPlus.az APA-ya istinadən bu gün, 1 mart tarixində xəbər verir.
20-22 aprel tarixlərində açılacaq mövsüm bu ilin iyun ayına qədər davam edəcək.
Təşkil olunacaq sərgilər siyahısında ilk olaraq martın 5-də baş tutacaq “Xüsusi qayğıya ehtiyacı olan insanlar üçün IV konqres” yer alıb.
“19-cu Xəzər beynəlxalq nəqliyyat, tranzit və logistika sərgisi” 20-22 aprel tarixlərində baş tutacaq. Paralel olaraq 10-cu, yubiley “Xəzər beynəlxalq yol infrastrukturu və ictimai nəqliyyat” sərgisi də keçiriləcək.
May ayında keçiriləcək sərgilər siyahısında isə “27-ci Azərbaycan beynəlxalq qida sənayesi sərgisi” və “15-ci yubiley Azərbaycan beynəlxalq kənd təsərrüfatı sərgisi” yer alıb. Hər iki sərgi 18-20 may tarixlərində təşkil olunacaq.
Ölkə energetikasına müsbət təsir göstərə biləcək sərgilərdən daha ikisi 1-3 iyun tarixlərində keçiriləcək “27-ci Beynəlxalq Xəzər neft və qaz sərgisi” və “10-cu yubiley Xəzər beynəlxalq energetika və bərpa olunan enerji sərgisi” olacaq.
Bu sərgilərlə yanaşı “27-ci Bakı enerji forumu” da baş tutacaq.
Bütün sərgilər Bakı Ekspo Mərkəzində keçiriləcək.
