Paytaxt Bakıda qış mövsümü ilə əlaqədar hazırlıq işləri aparılır. İşlər təsdiq edilmiş tədbirlər planına uyğun olaraq həyata keçirilir. Bu haqda Trend 12 noyabr tarixində xəbər verib.
Bakı Şəhər İcra Hakimiyyətindən verilən məlumata əsasən, şəhər kommunal xidmətlərinin xüsusi təyinatlı texnikaları hazır vəziyyətə gətirilib.
Lazımı miqdarda duz, torpaq ehtiyatı yaradılması, bir sıra yaşayış və qeyri-yaşayış binalarında təmir işləri aparılması və əlavə tədbirlər görülməsi barədə də qurumdan bildirilib.
