Bakıətrafı kəndlərdə sürətli optik internet çəkilişi üçün elektrik dirəklərinin quraşdırılmasına başlanılıb. Bu haqda Xəzər Xəbər reportaj hazırlayıb.
Qəsəbələr sakinləri internetin keyfiyyəti və sürət zəifliyindən narazıdırlar. İnterneti olmayan insanlara tez-tez “qutuda yer yoxdur” deyirlər, sakinlər aşağı sürətli internetlə kifayətlənməyə məcbur olurlar. Distant təhsil dövründə internetin olmamasına görə, dərslərdən kənar qalan şagirdlər olur.
Azərbaycan İnternet Forumunun prezidenti Osman Gündüz bildirib ki, Bakıda sıradan çıxmış və ömrünü tamamlamış dirəklər daha dayanıqlı və müasir dirəklərlə əvəz olunur. Hazırda Bakıətrafı kəndlərdə "Aztelekom" və "Baktelecom"un çoxsaylı briqadaları çalışır. İki il ərzində internet problemi həll olunmalıdır. Yeni xətdə 3 xidmət - yüksək sürətli internet, telefon və televiziya xidmətləri təşkil olunacaq.
[caption id="attachment_29648" align="alignnone" width="968"] Foto Xezerxeber.az[/caption]
