Bakıda ümumi təhsil müəssisələri və uşaq-gənclər inkişaf mərkəzlərində Novruz tədbirləri keçirilir. Bu haqda Azərtac 14 mart tarixində xəbər verib.
“Bahar çələngi” layihəsi çərçivəsində keçirilən tədbirlərdə şagirdlərə xalqımızın qədim tarixini əks etdirən, milli adət və ənənələrimizi özündə birləşdirən Novruz bayramının tarixi, ilaxır çərşənbələrinin mahiyyəti, Novruz atributları haqqında geniş məlumat verilir.
Məktəb kitabxanalarında “Novruz bayramı bədii ədəbiyyatda” adlı tədbirlər təşkil olunur, mənəvi dəyərlərimizin əks olunduğu bədii nümunələr (əsərlər) əsasında tamaşalar hazırlanır, seminarlar keçirilir, idman yarışları və xalq oyunları, “Novruz bayramı və mətbəx mədəniyyətimiz” adlı kulinariya günləri təşkil olunur.
Layihə çərçivəsində həyata keçirilən tədbirlərdə fərqlənən təhsil müəssisəsi, müəllim və şagirdlər təltif olunacaqlar.
Bundan əlavə, layihə çərçivəsində “Bahar çələngi” festivalının keçirilməsi nəzərdə tutulur.
[URIS id=36785]
