Fevralın 25-i və 26-sı Bakı məktəblərində birinci dərslər Xocalı soyqırımının ildönümünə həsr olunacaq. Bu haqda 15 fevral tarixində Bakı Şəhəri üzrə Təhsil İdarəsi məlumat verib.
Bakıda ümumi təhsil müəssisələri və uşaq-gənclər inkişaf mərkəzlərində fevralın 25-i və 26-sı birinci dərs və məşğələlər Xocalı soyqırımının otuzuncu ildönümünə həsr olunacaq. Bununla əlaqədar Bakı Şəhəri üzrə Təhsil İdarəsi tədbirlər planı təsdiq edilib.
Əmrə əsasən, karantin rejiminin tələbləri nəzərə alınmaqla, təhsil müəssisələrində Xocalı soyqırımı ilə bağlı ədəbi-bədii kompozisiyaların, şagirdlərin əl işlərindən ibarət rəsm sərgilərinin təşkili, sənədli və bədii filmlərin nümayişi keçiriləcək, soyqırımın şahidləri, həlak olmuş şəxslərin ailə üzvləri ilə görüşlər təşkil olunacaq.
