Bakıda məktəblər arasında “Məktəbli startapçılar” adlı yeni layihə başlayır. Layihə Bakı Şəhəri üzrə Təhsil İdarəsi və AzEdu Təhsil Portalı tərəfindən təşkil olunur. Bu haqda bu gün, 16 mart tarixində Bakuplus.az AzEdu Təhsil Portalına istinadən məlumat verir.
Layihə çərçivəsində paytaxt məktəblərində təhsil alan istedadlı, təşəbbüskar məktəblilərin uğurlu startap layihələri müzakirə olunacaq. Şagirdlər təhsil həyatlarından, ideyalarından, yeniliklərindən və gələcək planlarından danışacaqlar.
Layihənin məqsədi tədris prosesində yaradıcı və innovativ olan Bakı məktəblilərinin istedadlı gənc startaplarını ictimaiyyətə təqdim etməkdir.
Bundan əlavə, layihə çərçivəsində tələbələrin gündəlik həyatını və startap ideyalarını əks etdirən foto və videolar nümayiş etdiriləcək.
